Hindistan 2030-cu ilə qədər iqtisadi lider olmağı hədəfləyir

Analitiklər Hindistanda 2030-cu ilə qədər ÜDM artımında dünya lideri ola biləcəyini proqnozlaşdırırlar. Bu barədə RİA Novosti S&P Globala istinadla yazır. 


S&P Global hesab edir ki, Hindistan iqtisadiyyatı hər il 6,7% artaraq 2030-2031-ci illərdə 7 trilyon dollardan çox olacaq. Bu, ölkəyə dünya reytinqində ABŞ , Yaponiya və Aİ-ni qabaqlayaraq üçüncü yeri tutmağa imkan verəcək.


"Dayanıqlı iqtisadi artım Hindistanın kredit profili üçün müsbətdir. Biz inanırıq ki, bu, yaxın iki-üç il ərzində dəyişməyəcək”, – S&P Global ekspertləri bildirib.


Əsas artım amilləri ucuz və təhsilli işçi qüvvəsi, yüksək texnologiyalı xidmətlərin inkişafı və istehsalın Çindən transferi  olacaq. Hindistanda Kompozit PMI artıq 14 ilin ən yüksək səviyyəsinə çatıb.


İnvestisiya üçün ən perspektivli sahələr elektronika, əczaçılıq, günəş enerjisi və akkumulyator istehsalıdır. Dəniz ticarətinin artırılması üçün liman infrastrukturunun inkişafı mühüm rol oynayacaqdır.


"Hindistan artıq neftin ən böyük alıcılarından biridir, lakin Çindən fərqli olaraq, demək olar ki, hər şey yenidən ixrac olunur. Neft emalı zavodlarında dizel, mazut və s. kimi emal edilir və dərhal başqa ölkələrə göndərilir”, - Milli Enerji Təhlükəsizliyi Fondunun aparıcı analitiki İqor Yuşkov deyir. 

Aytac 

www.anews.az