Keçmiş D18 Hərəkatının üzvü Afiəddin Məmmədov evinin yaxınlığında polis tərəfindən saxlanılıb. Bu barədə  Demokratiya 1918 Hərəkatının sədri Əhməd Məmmədli sosial şəbəkə hesabında yazıb.

 

O bildirib ki, səbəb kimi də onun yaşadığı binadan çıxarkən bir şəxsi bıçaqlaması göstərilib.

 

 "Plan elə qurulub ki, Afiəddin binadan çıxarkən bir nəfər ona yaxınlaşaraq özünə bıçaqla xəsarət yetirib və bıçağı Afiəddinin üstünə atıb və polis dərhal Afiəddini saxlayıb. Yeni qondarma həbs senarilərinə yox deyir və Afiəddin Məmmədovun sərbəst buraxılmasını tələb edirik!",- ictimai fəal əlavə edib.

 

Məsələ ilə bağlı Daxili İşlər Nazirliyinin mətbuat xitmətindən anews.az-a bildirildi ki, məsələ araşdırılıb, ictimaiyyətə məlumat veriləcəkdir.