İlin sonuna kimi Türkiyənin zəlzələ bölgəsində 251 min ev tikiləcək

"Zəlzələlərin Türkiyəyə dəyən ziyanı 104 milyard dollar və ya ÜDM-in 10%-ni təşkil edib. Demək olar ki, 2,5 milyon insan evlərini tərk edərək başqa bölgələrə köçmək məcburiyyətində qalıb. Ümumilikdə "əsrin fəlakəti" 14 milyon insana təsir edib", - Kurum bildirib.

Türkiyə prezidenti Rəcəb Tayyib Ərdoğan Türkiyədə baş verən zəlzələnin iki il dönümü ilə bağlı söyləyib ki, şəhərlər tam bərpa olunana qədər səylərini davam etdirəcək. 

Fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub.
 
Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Fevralın 20-də isə Hatay vilayətində 6.4 ballıq növbəti zəlzələ qeydə alınıb. Malatyada da 5.6 ballıq daha bir zəlzələ baş verib.


Türkiyədə zəlzələ nəticəsində həlak olanların sayı 50 500 nəfərə çatıb.


Zəlzələ nəticəsində 115 mindən çox insan yaralanıb. 


Dünyanın 100-ə yaxın ölkəsindən Türkiyəyə dəstək yardımı təklif olunub. Türkiyə prezidenti bildirib ki, bir il ərzində evləri dağılmış insanların evlərini tikib təhvil verəcək. 


Zəlzələdən sonra ölkədə 6 bala yaxına afterşoklar olub. 


BMT Türkiyədə baş verən zəlzələni "Əsrin fəlakəti" kimi qiymətləndirib.
 
Gülnar


www.anews.az