İmişlidə yol qəzasında yaralanan məktəbli ölüb
22.01.2025 11:03
İmişlidə iki məktəblinin ölümü ilə nəticələnən yol-nəqliyyat hadisəsində yaralan iki məktəblidən biri ölüb. Bu barədə TƏBİB Anews.az-ın sorğusuna cavab olaraq bildirilib.
"Yanvarın 18-də İmişli rayonu Yalavac kəndi ərazisində baş vermiş yol-nəqliyyat hadisəsində xəsarət alaraq Yeni Klinikaya hospitalizasiya olunan azyaşlının (qadın cinsli) həkimlərin çoxsaylı səyinə baxmayaraq, 22.01.2025-ci il tarixində saat 01:45 radələrində ölüm faktı qeydə alınıb", - məlumatda deyilir.
Yanvarın 18-də İmişlidə "Mercedes-Benz” markalı fərdi nəqliyyat vasitəsi və "BMW” markalı DYP avtomobilinin iştirakı ilə ölümlə nəticələnən yol-nəqliyyat hadisəsi baş verib.
Hadisə nəticəsində 2 məktəbli yerində öülb. Digər ikisi yaralanıb. Baş verən qəzada polis əməkdaşı da ağır yaralanıb.
Hadisə ilə bağlı bir nəfər həbs edilib.
Aytac
www.anews.az
Oxşar xəbərlər
Oxşar xəbərlər
Foto 
Video 
