Çin Rusiyaya gedən turizmi bərpa edəcək

16:46 | 20.01.2023
Çin fevralın 6-dan turist səfərlərini bərpa edəcək. Bu barədə Çinin Mədəniyyət və Turizm Nazirliyi məlumat yayıb.
 
Bildirilir ki, Çin siyahıya Rusiyadan başqa Argentina, Macarıstan, Misir, İndoneziya, Kamboca, Keniya, Kuba, Laos, Malayziya, Maldiv adaları, Yeni Zelandiya, Birləşmiş Ərəb Əmirlikləri, Sinqapur, Tayland, Fici, Filippin, İsveçrə, Şri-Lanka və Cənubi Afrika ölkələrinə mütəşəkkil qruplar üçün turist səfərləri planlaşdırır. 

Nazirliyin məlumatına görə, ölkə üzrə turizm agentlikləri və onlayn şirkətlər olaraq Çin vətəndaşları üçün müvafiq ölkələrə qrup turlarının təşkili, aviabilet  otel xidmətlərini də bərpa olunacaq", - nazirliyin nümayəndəsi əlavə edib.

Yanvarın 19-da Çin Xalq Respublikasının Gigiyena və Sağlamlıq Məsələləri üzrə Dövlət Komitəsinin sözçüsü Quo Yanhong brifinqdə bildirib ki, Çin COVID-19-un pik həddini uğurla keçib və əvvəllər mövcud olan vəziyyətə qismən qayıdıb.

Yanvarın 8-də Çin Xalq Respublikasının Gigiyena və Sağlamlıq üzrə Dövlət Komitəsi COVID-19-u son dərəcə təhlükəli "A” sinif xəstəlikləri kateqoriyasından ciddi nəzarət tədbirləri tələb edən "B” sinfi xəstəliklər kateqoriyasına keçirib.
 
Aytac Zeynalova

www.anews.az
0
Bizi sosial şəbəkələrdə izləyin !

REKLAM