İran neft tankerini ələ keçirib
29.07.2024 17:26
İslam İnqilabı Keşikçiləri Korpusunun (SEPAH) dəniz qüvvələri Fars körfəzində qaçaqmalçılıq yolu ilə neft daşıyan tankeri saxlayıb. Bu barədə Mehr xəbər agentliyi məlumat verib.
"Gəmi İran barjalarından qaçaqmalçılıq yolu ilə yanacaq yükləyən Araş neft yatağının yaxınlığında, Fars körfəzinin şimalında olub, məhkəmə orqanlarının qərarı ilə saxlanılıb", - İran İnqilab Keşikçiləri Korpusunun bəyanatında deyilib.
Saxlanılan Pearl G gəmisi Toqo bayrağı altında üzürdü. Tankerin sahibi BƏƏ-də yaşayan İraq vətəndaşıdır.
İlkin hesablamalara görə, gəmidə ən azı 700 min litr qaçaq neft olub. Hazırda insident araşdırılır; tankerin özü və Hindistan əsilli doqquz ekipaj üzvü İran limanına göndərilib.
Keçən həftə Yaxın Şərq mediası Fars körfəzində qaçaqmalçılıq yolu ilə yanacaq daşıyan, lakin 1,5 milyon litr həcmində daha bir Toqo tankerinin saxlanması barədə məlumat yayıb.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
