İstismar müddəti 4 ili keçmiş nəqliyyat vasitələrinə utilizasiya haqqı ödəniləcək. Bunu Ekologiya və Təbii Sərvətlər Nazirliyinin Ekoloji siyasət şöbəsinin əməkdaşı Qızılgül Həsənova deyib.
"Bununla bağlı qanunvericiliyə müəyyən dəyişiliklər edilib. Belə ki, Azərbaycan Respublikası Prezidentinin 27 yanvar 2024-cü il tarixli Sərəncamı ilə nəqliyyat vasitələrinin utilizasiyası fondu yaradılıb, 31 yanvar 2024-cü il tarixli qərarı ilə bu fondun vəsaitinin formalaşdırılması və istifadə Qaydaları təsdiq edilib. Qaydalara əsasən, Fondun vəsaiti utilizasiya haqqı, kreditlər və qrantlar, könüllü ianələr, beynəlxalq təşkilatların və digər donorların ayırmaları və digər mənbələr hesabına formalaşacaq. Utilizasiya haqqı yalnız istismar müddəti 4 ili keçmiş nəqliyyat vasitələri üçün ödəniləcək”. O fevralın 1-də nəqliyyat vasitələrinin utilizasiyası, mövcud vəziyyət və qarşıda duran məsələlərlə bağlı keçirilən dəyirmi masada söyləyib.
Bir gün öncə Nazirlər Kabineti "Nəqliyyat vasitələrinin utilizasiyası fondunun vəsaitinin formalaşdırılması və istifadə Qaydası”nı təsdiq edib.
Prezident bununla bağlı yanvarın 27-si sərəncam imzalayıb.
Sərəncama görə, Maliyyə Nazirliyi və "Təmiz şəhər” Açıq Səhmdar Cəmiyyəti bu Sərəncamdan irəli gələn məsələləri həll etməlidirlər.
Qanun 2024-cü ilin fevralın 1-dən qüvvəyə minir.
Çiçək Sadatlı
www.anews.az
Bizi sosial şəbəkələrdə izləyin !
