Malayziyaya məxsus "Boinq-777" tipli sərnişin təyyarəsinin qalıqlarının axtarışı yeni mərhələyə qədəm qoyub. ANS PRESS-in məlumatına görə, genişmiqyaslı axtarış əməliyyatının yeni mərhələsində təyyarənin qalıqları su altında axtarılacaq. Xüsusi elektron avadanlıqla təchiz edilmiş iki gəmi Hind okeanında təyyarənin qara qutularının siqnalını qeydə almağa çalışacaq. Xilasedicilər isə okeanın 200 kilometr dərinliyində axtarışlar aparacaqlar. Bu günkü əməliyyatda ümumilikdə 14 təyyarə və 9 gəmi iştirak edir. Axtarış əməliyyatının koordinatoru, Avstraliya aviasiyasının baş marşalı Anqus Hyuston həmin təyyarənin axtarışını tarixin ən çətin axtarış əməliyyatı adlandırıb. Xatırladaq ki, Malayziyadan Çinə uçarkən radarlardan itən "Boinq-777" sərnişin təyyarəsinin göyərtəsində ekipaj üzvləri ilə birlikdə 239 nəfər olub.ANN.Az