Jurnalist elektron arayışını ala bilməməsindən narazıdır - TƏBİB-dən açıqlama
24.05.2024 17:44
Jurnalist Ceyhun Səfər TƏBİB tabeliyində olan 26 saylı poliknikada mayın 23-də almalı olduğu arayışı hələ də əldə edə biməməsindən narazıdır. Bu barədə jurnalist öz facebook hesabında yazıb.
"Mayın 23-də Nizami rayonunda yerləşən 26 saylı poliklinikada həkim müaəyinələrindən normal qaydada keçmişəm. Günortaya qədər elektron qaydada bu arayışı əldə edə biləcəklərimi dedilər. Dünən bəri necə dəfə şəxsi kabinetimə daxil oluram, qaynar xəttlə əlaqə saxlayıram. Nəticə yoxdur. Nəhayət bu gün dedilər ki, bu poliklinikanın öz İT sisteminin problemidir", - jurnalist öz hesabında yazıb.
Ceyhun Səfər təklif edib ki, hazı olmayacaq sistemin 1 ay sonra fəaliyyətə başlaması daha məqsədəuyğun olardı.
Məsələ ilə bağlı TƏBİB-in sözçüsü jurnalistə cavab olaraq bildirib ki, arayışın gec yüklənməsi müraciətlərin çoxluğundan baş verib.
"Sözügedən müəssisədə müraciətlərin sayının çox olması (rentgen üzrə) səbəbindən məlumatların sistemə işlənilməsi gecikib", - mətbuat katibi yazıb.
Zamira Adilova deyib ki, hazırda 1 milyona yaxın şəxs arayışları elekton qayda da əldə edib.
Aytac Zeynalova
www.anews.az
Foto 
Video 
