Anews.az goal.az-a istinadən xəbər verir ki, qarşılaşma "Qarabağ"ın futbolçusu Dani Kintananın 6 aylıq fasilədən sonra yaşıl meydanlara dönməsi ilə əlamətdar olub.

Görüşün 75-ci dəqiqəsində Qara Qarayevin əvəzinə meydana daxil olan ispan yarımmüdafiəçinin qayıdışı uğursuz alınıb. O, 88-ci dəqiqədə ayağından zədə alaraq meydanı erkən tərk edib. "Qarabağ" hər 3 əvəzetmədən istifadə etdiyi üçün 10 nəfərlə oyunu davam etdirib.

Oyundan sonra, Qurbanov Kintananın zədəsinin ciddi olduğunu, dəqiq məlumatın açıqlanacağını deyib. Qurbanov zədənin əməliyyat olunan yerdən olmadığını da əlavə edib.

Xatırladaq ki, D.Kintana bundan əvvəl fevralda AZAL-a qarşı matçda diz bağları qırılmışdı.
www.anews.az