"Qarabağ” UEFA Avropa Liqasının Liqa mərhələsində Fransa təmsilçisi "Lion”a 1:4 hesabı ilə məğlub olub.

Tofiq Bəhramov adına Respublika stadionunda baş tutan matçda hesabı 15-ci dəqiqədə qonaqlar açıb. 63,68 və 80-cı dəqiqələrdə qonaqlar yenidən hesabda önə çıxıblar.

 

Görüşdə yekun hesabı isə Ağdam təmsilçisinin heyətində Juninyo müəyyənləşdirib. Hücumçu 87-ci dəqiqədə penalti zərbəsini dəqiq yerinə yetirib.

"Qarabağ" Avropa Liqasında növbəti oyununu dekabrın 12-də İsveç təmsilçisi "Elfsborq”a qarşı keçirəcək.

 21:45

UEFA Avropa Liqasının Liqa mərhələsinin V turunun "Qarabağ" - "Lion" (Fransa) oyunu start götürüb.

Matçı serbiyalı baş hakim Nenad Minakoviç idarə edir.

 21:10

UEFA Avropa Liqasının Liqa mərhələsinin V turunda baş tutacaq "Qarabağ” – "Lion" (Fransa) matçından əvvəl komandaların start heyətləri açıqlanıb.

Komandalar meydana aşağıdakı heyətlə çıxacaqlar:

"Qarabağ": Mateuş Koxalski, Veşoviç, Bəhlul Mustafazadə, Kevin Medina, Toral Bayramov, Patrik Andrade, Yankoviç, Yassin Benzia, Aleksey Kaşuk, Abdullah Zubir, Juninyo.