Bakıda açıq qayıq sürmə çempionatı keçirilib

Bakıda yeniyetmə və gənc idmançılar arasında açıq qayıq sürmə çempionatı keçirilib. Yarış Bakı Şəhər Gənclər və İdman Baş İdarəsi ilə Azərbaycan Kanoe və Avarçəkmə Federasiyasının birgə təşkilatçılığı ilə baş tutub.

Yarışda Bakı və Mingəçevirdən təxminən 100 avarçəkən iştirak edib. İdmançılar tək və cüt kayaklarla, həmçinin kanoe və akademik avarçəkmədə 500 metrlik məsafədə mübarizə aparıblar.

Qaliblər diplom və medallarla təltif olunub. Turnirin əsas məqsədi istedadlı gənclərin müəyyən olunması və yığma komandaya seçimdir.