Zelim Tçkayev dünya çempionatında gümüş medal qazanıb

Azərbaycan cüdoçusu Zelim Tçkayev Bakıda keçirilən dünya çempionatında gümüş medal qazanıb.

81 kq çəki dərəcəsində mübarizə aparan idmançı finalda Gürcüstan təmsilçisi Tato Qriqalaşvili ilə qarşılaşıb. Görüşdə məğlub olan Tçkayev ikinci pillədə qərarlaşıb.

Bununla Azərbaycanın mundialdakı medal sayı dördə çatıb. Daha əvvəl Əhməd Yusifov (60 kq) qızıl, Rəşid Məmmədəliyev (73 kq) və Ömər Rəcəbli (81 kq) bürünc medal qazanıblar.

Milli Gimnastika Arenasında keçirilən dünya çempionatı oktyabrın 11-də başa çatacaq.