ANN.Az xarici ölkə mediasına istinadən xəbər verir ki, ABŞ-ın keçmiş prezidenti Bill Klintonun həyat yoldaşı, eləcə də keçmiş xarici işlər naziri Hillari Klinton dünən şəxsi internet saytında 2016-cı ildə keçiriləcək seçkilərdə namizəd olacağını elan etməsi ilə digər rəqiblərini də hərəkətə gətirib. Klintonun videosu yayılandan 2.5 saat sonra onun 420 mindən çox şəxs tərəfindən paylaşılması diqqət çəkib. Qeyd edək ki, 2008-ci ildə də xanım Klinton prezidentliyə namizəd olmaq istəyirdi. Amma o dönəm Barak Obamanın xeyrinə öz namizədliyini geri çəkmişdi. Mütəxəssislər hesab edir ki, hazırda Hillari Klintonun şansları daha yüksək dəyərləndirir.

Həm də ümumi rəylər xanım Klintonun xeyinədir. Klintonun namizədliyini rəsmi şəkildə elan edən videonun yayımlanmasından sonra Respublikaçılar öz narahatçılığını gizlətməyib.

Atası böyük Corc Buş və qardaşı kiçik Corc Buşdan sonra Buş ailəsinin dövlət başçılığına üçüncü namizədi olan Ceb Buş Hilları Klintona qarşı mübarizəsini anındaca elan edib. Özünün şəxsi "Twitter" hesabından açıqlama yayan C.Buş ""Hillaridən daha yaxşısını ortaya çıxarmalıyıq. Əgər onu dayandırmaqda qərarlısınızsa, adınızı indidən əlavə edin" deyərək kampaniyaya başladığını bildirib.

Ekspertlər hesab edir ki, 2016-cı ildə ABŞ-da keçiriləcək prezident seçkiləri əsasən iki ailə - Klinton və Buş ailələri arasında keçiriləcək.

Xatırladaq ki, Respublikaçıların namizədi kimi Marko Rubio da namizədliyini rəsmən elan edib.