36 ildir Almaniyada yaşayan adanalı Əhməd Arpacı 3 həftə öncə öskürək, yüksək temperatur və nəfəs darlığı şikayəti ilə xəstəxanaya müraciət edib.
"MediaPost" xəbər verir ki, koronavirus testinin nəticəsi pozitiv çıxan Arpacı karantinə alınıb.
O, karantinə alındığı gündən bəri yaşadıqlarını mobil telefonunun kamerası ilə qeydə alıb. Arpacının ilk həftə çəkdiyi görüntülərdən də aydın olur ki, səhhətdə vəziyyət yaxşı olmayıb.
"Mən xəstəxanadan çıxdığım gün hamınızı məlumatlandıracam. İndi vəziyyətim çox pisdir, Allah mənə kömək olsun", - deyə Arpacı çəkdiyi ilk videoda söyləyib.
İkinci videoda Arpacı onun üçün narahat olanlara artıq vəziyyətinin nisbətən yaxşılaşdığını deyib.
Sonuncu videoda isə o, dəstək olan hər kəsə minnətdarlığını bildirib və artıq tam sağaldığını açıqlayıb.
Əhməd Arpacı bildirib ki, həkimlərin ehtimalına görə, o, Çinin Uhan əyalətindən işlədiyi fabrikə gələn əşyalardan virusa yoluxub. Lakin həmin müəssisədə onun digər iş yoldaşları və ailəsində virus çıxmayıb.
www.anews.az
