• $ 1.7
  • € 1.9829
  • ₽ 0.021086
  • ₺ 0.0413
  • £ 2.2954

Nazirlik xanəndənin ölümü ilə bağlı nekroloq yayıb

Nazirlik xanəndənin ölümü ilə bağlı nekroloq yayıb
01.08.2025 09:56

Xalq artisti, muğam sənətinin görkəmli nümayəndəsi Arif Babayev 87 yaşında vəfat edib.

Bununla bağlı Mədəniyyət Nazirliyi nekroloq yayıb. 

“Azərbaycan musiqi mədəniyyətinə ağır itki üz verib. Görkəmli xanəndə, Azərbaycan muğam sənətinin görkəmli nümayəndəsi, Azərbaycan Respublikasının Xalq artisti, Prezident təqaüdçüsü, Dövlət Mükafatı laureatı, professor,muğam sənətinin tanınmış ustadı Arif İmran oğlu Babayev ömrünün 87-ci ilində vəfat edib.

Arif Babayev 1938-ci il mayın 16-da Ağdam rayonunun Sarıhacılı kəndində anadan olmuşdur. Uşaq yaşlarından musiqiyə böyük maraq göstərmiş, klassik muğam məktəbinin ənənələrini dərindən mənimsəmişdir. Onun istedadı gənc yaşlarından tanınmış və o, Azərbaycanın muğam sənətində özünəməxsus ifa tərzi ilə seçilməyə başlayıb.

1953–1957-ci illərdə Bakı Musiqi Texnikumunda, daha sonra isə Azərbaycan Dövlət Mədəniyyət və İncəsənət Universitetində təhsil almışdır. Arif Babayev sənət fəaliyyətinə 1963-cü ildə Azərbaycan Televiziya və Radiosunun solisti kimi başlamış və qısa müddət ərzində böyük populyarlıq qazanmışdır. O, “Şur”, “Rast”, “Bayatı-Şiraz”, “Seygah”, “Qarabağ şikəstəsi” kimi klassik muğamların mahir ifaçısı kimi tanınıb.

Muğam sənətində qazandığı yüksək nailiyyətlərlə yanaşı, Arif Babayev uzun illər ərzində pedaqoji fəaliyyətlə də məşğul olmuş, Bülbül adına Orta ixtisas musiqi məktəbində və Azərbaycan Milli Konservatoriyasında çalışaraq, muğam sənətinin yeni nəsil ifaçılarının yetişdirilməsində müstəsna rol oynayıb. Onun yetirmələri bu gün Azərbaycanın və dünyanın müxtəlif səhnələrində uğurla çıxış edirlər.

Arif Babayevin çoxşaxəli yaradıcılığı, milli musiqimizin zəngin irsinin qorunub yaşadılması və inkişaf etdirilməsi sahəsində göstərdiyi xidmətlər dövlət tərəfindən yüksək qiymətləndirilmişdir. O, “Əməkdar artist”, “Xalq artisti” fəxri adlarına, “Şöhrət”, “Şərəf” və “İstiqlal” ordenlərinə, Prezidentin fərdi təqaüdünə və bir çox digər mükafatlara layiq görülüb.

Böyük xanəndə, gözəl pedaqoq, əsl sənətkar və ziyalı insan Arif Babayevin parlaq xatirəsi onu tanıyanların və sevənlərin qəlbində daim yaşayacaq. Allah rəhmət eləsin!”, - nekroloqda qeyd olunub.

Oxşar xəbərlər
Oxşar xəbərlər
IX “Muğam” Televiziya Müsabiqəsinə Laçında yekun vuruldu
Mədəniyyət 21:06
IX “Muğam” Televiziya Müsabiqəsinə Laçında yekun vuruldu
Azərbaycan Rusiyada keçiriləcək "İnterviziya"da iştirak etməyəcək
Mədəniyyət 13:53
Azərbaycan Rusiyada keçiriləcək "İnterviziya"da iştirak etməyəcək
“Eurovision-2026” Vyanada keçiriləcək
Mədəniyyət 11:08
“Eurovision-2026” Vyanada keçiriləcək
Britaniyalı aktyor Terens Stemp vəfat edib
Mədəniyyət 09:51
Britaniyalı aktyor Terens Stemp vəfat edib
"Təzə Pir" məscidi ətrafındakı tarixi məhəllə abadlaşdırılaraq yenidən qurulacaq
Mədəniyyət 16:35
"Təzə Pir" məscidi ətrafındakı tarixi məhəllə abadlaşdırılaraq yenidən qurulacaq
Xalq yazıçısı Elçin Əfəndiyev 82 yaşında vəfat edib
Mədəniyyət 13:32
Xalq yazıçısı Elçin Əfəndiyev 82 yaşında vəfat edib

Fəxrəddin Manafov “Şöhrət” ordeni ilə təltif edilib
Mədəniyyət 13:30
Fəxrəddin Manafov “Şöhrət” ordeni ilə təltif edilib

Prezident İlham Əliyev və Birinci xanım Mehriban Əliyeva Arif Babayevin vəfatı ilə bağlı nekroloq imzalayıblar
Mədəniyyət 12:50
Prezident İlham Əliyev və Birinci xanım Mehriban Əliyeva Arif Babayevin vəfatı ilə bağlı nekroloq imzalayıblar
Arif Babayevlə vida mərasimi Beynəlxalq Muğam Mərkəzində olacaq
Mədəniyyət 11:36
Arif Babayevlə vida mərasimi Beynəlxalq Muğam Mərkəzində olacaq
Anews TV

Rəsmi Youtube kanalımız

Abunə ol