Lavrov və İranın xarici işlər naziri Abdullahiyan ticarət dövriyyəsinin rekord həddə çatdığını qeyd ediblər

22:43 | 13.03.2023
Rusiyanın xarici işlər naziri Sergey Lavrov və onun iranlı həmkarı Hüseyn Əmir Abdullahyan telefon danışığı zamanı iki dövlətə qarşı birtərəfli sanksiyalara baxmayaraq, ticarətin rekord səviyyədə olduğunu qeyd ediblər. Bu barədə Rusiya diplomatik departamentinin saytında yerləşdirilən məlumatda deyilir.


"Tərəflər Rusiya-İran çoxşaxəli əməkdaşlığının inkişafının müsbət dinamikasının gücləndiyini qeyd ediblər. Ölkələrimizə qarşı qeyri-qanuni birtərəfli sanksiyalara baxmayaraq, əldə edilən rekord səviyyəli ticarətdən məmnunluq ifadə olunub”, - deyə məlumatda bildirilir.


Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, xarici təzyiq və sanksiyalar Rusiya və İran arasında əməkdaşlığa mane olmur, qeyri-qanuni məhdudiyyətlər, əksinə, ikitərəfli münasibətlərin yaxşılaşmasına kömək edir.
 
Aytac

www.anews.az
0
Bizi sosial şəbəkələrdə izləyin !

REKLAM

Xəbər lenti