Rusiya XİN çıxışın tam mətnini yayıb.
Sizi salamlamağa şadam. Moskvaya gəlməyə razı olduğunuz üçün təşəkkür edirəm. Ayrı-ayrılıqda ikitərəfli görüşlərimiz oldu. Görüşlər həm dost ölkələrimizin hər biri ilə ikitərəfli əməkdaşlığın inkişafı baxımından, həm də Bakı ilə İrəvan arasında münasibətlərin normallaşdırılması vəzifələrinə, eləcə də atılacaq addımlara dair fikir mübadiləsinə yönəlmiş üçtərəfli məsləhətləşmələrin növbəti raunduna hazırlıq baxımından çox məzmunlu və faydalı oldu. Azərbaycan, Rusiya prezidentləri və Ermənistanın baş naziri tərəfindən son üç ildə imzalanmış üçtərəfli bəyanatların tam həyata keçirilməsinə töhfə vermək üçün Rusiya Federasiyası bu istiqamətdə hərəkət edəcək. Axırıncı dəfə görüşümüz çoxdan olub. Çoxlu yeni məsələlər var. Ümidvaram ki, bugünkü görüş konstruktiv atmosferdə keçəcək və sizin birbaşa dialoqunuz əlavə nəticələrin əldə olunmasına kömək edəcəkdir.
Liderlərimizin imzaladığı üçtərəfli bəyanatlar, faktiki olaraq, davamlı həll üçün yol xəritəsini təmin edir. Cənubi Qafqaz ətrafında vəziyyəti təhlil edərək, biz liderlərimizin razılaşmalarına alternativin olmadığı qənaətindəyik. Biz də öz növbəmizdə bu regionda sabitlik və əmin-amanlıq görməkdə tam maraqlıyıq.
Mən gözləyirəm ki, bu və ya digər şəkildə bu regionda iştirak etməkdə maraqlı olan başqa ölkələr də onlara hörmət edəcəklər.
Vəziyyətin sabitləşməsi ilə paralel olaraq humanitar problemlərin həlli, iqtisadi nəqliyyat əlaqələrinin açılması və üzərində fəal işlədiyiniz sülh müqaviləsinin mətninin razılaşdırılması zərurətini ayrıca qeyd edəcəyəm.
www.anews.az
Bizi sosial şəbəkələrdə izləyin !
