Lerikdə yerləşən "Təbəssüm” istirahət mərkəzində baş vermiş yanğına nəticəsində mərkəzə 130 min manat ziyan dəyib. Bunu Unikal.az-a açıqlamasında obyektin sahibi Akif Əliyev deyib.
"Anidən yanğın baş verib, uşaqlar düşüblər həyətə. Telefonları da içəridə yanıb. Yanğın nəticəsində xəsarət alan olmayıb. 5 ədəd tikili idi. Təxminən 130 min manata yaxın ziyan dəyib. El-oba sağ olsun, olan şeydir", - o qeyd edib.
Əliyevin sözlərinə görə, obyektin sığortalanmayıb.
"Sığorta şirkətləri bir neçə dəfə gəlib yalan vədlər verdilər. Ona görə də biz onlarla iş görmədik”, - o əlavə edib.
10:55
Fevralın 1-i Lerik rayonunda yerləşən "Təbəssüm” istirahət mərkəzində yanğın baş verib. Bu barədə görüntülər sosial mediada yayılıb.
İlkin məlumata görə, beş qonaq evi tamamilə yanıb. Hadisə yerinə yanğınsöndürənlər cəlb olunub.
Fövqəladə Hallar Nazirliyindən anews.az-a verilən məlumata görə, yanğından təxminən yarım saat sonra hadisə barədə FHN-in Yanğından Mühafizə hissəsinə məlumat verilib.
Hadisə yerinə 3 yanğınsöndürən texnika və canlı qüvvə cəlb olunub. Ümumilikdə, taxta konstruksiyalı ikimərtəbəli 2 kottec, digər ikisində tavan və dam örtükləri və əsas xidməti binanın mətbəx hissəsi, ümumilikdə 410 kvadratmetr sahə tam olaraq yanıb. Yanğının digər kotteclərə və meşə ərazisinə keçməsinin qarşısı alınıb. İstirahət mərkəzinin ərazisində hər birinin sahəsi 144 m² olan 2 ədəd ikimərtəbəli yeməkxana binasının yanar konstruksiyaları, içərisində olan avadanlıqlar, yaxınlıqda bir-birinə bitişik, ümumi sahəsi 120 m² olan 3 ədəd kotteclərdən sahəsi 34 m² olan bir kottecin yanar konstruksiyaları və digər iki kottecin dam örtüyü yanıb. Kotteclərin qalan hissəsi və meşə zolağı yanğından mühafizə olunub.
Xəsarət barədə məlumat yoxdur.
Yanğın səhər saat 6:30-da lokallaşdırılıb.
Yanğına ilkin səbəb mətbəxdə qısaqapanmadan baş verməsi ehtimal edilir
Yanğın yanğından mühafizə bölmələri tərəfindən söndürülüb.
Faktla bağlı araşdırma aparılır.
Aygün
Bizi sosial şəbəkələrdə izləyin !
