• $ 1.7
  • € 1.9849
  • ₽ 0.02178
  • ₺ 0.0423
  • £ 2.2834

Rusiya polisi tərəfindən saxlanılan azərbaycanlılar döyülərək öldürülüb – ekspertiza

Rusiya polisi tərəfindən saxlanılan azərbaycanlılar döyülərək öldürülüb – ekspertiza
01.07.2025 11:57

Azərbaycan Səhiyyə Nazirliyinin ekspertlərinin keçirdiyi tibbi ekspertiza nəticələrinə görə, ötən həftə Rusiyada saxlanıldıqdan sonra vəfat edən iki azərbaycanlı kişi – qardaşlar Ziyəddin və Hüseyn Səfərov döyülərək öldürülüblər. Bu barədə çərşənbə axşamı Bakıda məhkəmə-tibbi ekspert Ədalət Həsənov məlumat verib.

Qardaşların ölümü Moskva ilə Bakı arasında diplomatik gərginliyə səbəb olub və Azərbaycanda Rusiyaya məxsus dövlət media nümayəndələrinin cavab olaraq saxlanılmasına gətirib çıxarıb.

Azərbaycanın Rusiyadakı səfiri çərşənbə axşamı Rusiya Xarici İşlər Nazirliyinə çağırılıb. Nazirlik Bakının “dostluqdan uzaq addımları” və jurnalistlərin “qanunsuz saxlanılması” ilə bağlı rəsmi etirazını bildirib.

Rusiya ilə Azərbaycan arasında gərginlik ötən həftə Yekaterinburqda aparılan reydlərdən sonra artıb. Həmin reydlər zamanı rus müstəntiqlər etnik azərbaycanlıları hədəfə alaraq onları keçmişdə törədilmiş, açılmamış qətllərdə, o cümlədən serial qətllərdə şübhəli biliblər.

Səfərov qardaşları məhz həmin əməliyyat zamanı saxlanılan altı nəfərdən ikisi idi. Rusiya tərəfi ilkin olaraq Ziyəddinin infarktdan öldüyünü bildirmiş, Hüseynin ölüm səbəbi isə açıqlanmamışdı.

Qardaşların meyitləri bazar ertəsi axşam Bakıya ekspertiza üçün gətirilib.

Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin rəhbəri Ədalət Həsənov bildirib ki, təkrar ekspertiza onların hər ikisinin güclü döyülmələr nəticəsində “travmatik şok”dan öldüyünü təsdiqləyib.

“Ziyəddin Səfərovun infarktdan öldüyü barədə rus ekspertlərin iddiası açıq-aşkar yalandır,” – deyə Həsənov vurğulayıb.

 “Ekspertiza zamanı onun bütün qabırğalarının sındığı, baş nahiyəsində isə künt alətlə yetirilmiş zərbədən daxili qanaxma aşkarlandığı müəyyən olunub.”

1966-cı il təvəllüdlü digər qardaş Hüseynin də döyülmə nəticəsində öldüyü sübut edilib. Həsənovun sözlərinə görə, Rusiyada keçirilən ilkin ekspertiza zamanı Hüseynin bütün daxili orqanları çıxarılıb, bu isə ölümün əsl səbəbini gizlətmək cəhdi ola bilər.

Səfərovların ölümündən sonra Bakı və Moskva qarşılıqlı ittihamlar səsləndiriblər. Azərbaycan Rusiyanı “etnik zəmində məhkəməsiz qətllər” törətməkdə ittiham edib. Moskva bu iddiaları rədd edib.

Bazar ertəsi Bakı polisi “Rossiya Seqodnya” agentliyinin yerli törəməsi olan “Sputnik Azərbaycan”ın iki əməkdaşını saxlayıb və media qurumunun qanunsuz maliyyələşməsinə dair araşdırma başladığını elan edib.

N.Təbrizli 

Oxşar xəbərlər
Oxşar xəbərlər
Laçında meşə yanır
Cəmiyyət 21:11
Laçında meşə yanır
Şahin Şıxlinskinin oğlu həbs olunub
Cəmiyyət 20:33
Şahin Şıxlinskinin oğlu həbs olunub
Sabah Yevlax rayonunun bir hissəsində qaz olmayacaq
Cəmiyyət 18:22
Sabah Yevlax rayonunun bir hissəsində qaz olmayacaq
Ağdaşda 17 yaşlı gənc kanalda batıb
Cəmiyyət 18:11
Ağdaşda 17 yaşlı gənc kanalda batıb
Daha 665 işsiz şəxs peşə hazırlığına cəlb edilib
Cəmiyyət 17:44
Daha 665 işsiz şəxs peşə hazırlığına cəlb edilib
Bakıda kişi arvadını güllələməyə cəhd edib, qadın xəstəxanaya yerləşdirilib
Cəmiyyət 16:57
Bakıda kişi arvadını güllələməyə cəhd edib, qadın xəstəxanaya yerləşdirilib
Azercell-in dəstəyi ilə fəaliyyət göstərən “Azərbaycan Uşaq Qaynar Xətti” 2025-ci ilin ilk yarısında 2173 müraciət qeydə alıb
Cəmiyyət 16:24
Azercell-in dəstəyi ilə fəaliyyət göstərən “Azərbaycan Uşaq Qaynar Xətti” 2025-ci ilin ilk yarısında 2173 müraciət qeydə alıb
Bakıda Xəzər sahilində tullantı atan 20 nəfər barəsində inzibati tədbir görülüb
Cəmiyyət 16:18
Bakıda Xəzər sahilində tullantı atan 20 nəfər barəsində inzibati tədbir görülüb
Həftə sonunadək temperatur rejimində mühüm dəyişiklik gözlənilmir
Cəmiyyət 16:04
Həftə sonunadək temperatur rejimində mühüm dəyişiklik gözlənilmir
Anews TV

Rəsmi Youtube kanalımız

Abunə ol