"Hazırkı layihələrin icrası üçün 2,7 milyard manat pul tələb olunur. nin Gəncədə bir layihənin icrası 550 milyon manata başa gəlir. Masallıda Viləş çayın ikinci hissəsinin bərpası üçün 600 milyon manat vəsait xərclənməlidir.  Bakı və Abşeronda olan problemlər üçün isə 10 milyard manat lazımdır. Ümumilikdə isə içməli su və kanalzasiya sisteminin bərpası üçün 20 milyard manat vəsaitin qoyulması lazımdır”, - qurum sədri fevralın 28-də Milli Məclisdə "Ölkənin su təsərrüfatı: problemlər və yeni çağırışlar" mövzusunda keçirilən  dinləmələrdə deputatların suallarına cavab verərkən bildirib.
 
Mikayılov deputatlardan onlara dəstək olmasını dilə gətirərək hazırda bu problemin həllinin mümkün olmadığını söyləyib.
 
"Burada fərqli-fərqli bölgələrin problemləri söylənildi. Amma bu problemlərə rayonlar üzrə deyil  ölkə üzrə baxmalıyıq. Sizdən dəstək istəyirəm. Əgər mən desəm ki, bir-iki aya hansısa bölgədə bu problem həll olunacaq bu doğru olmaz. Qarşıda COP29 beynəlxalq tədbirimiz var. Onun üçün ağlınıza gəlməyəcək qədər vəsait xərclənəcək. Bu istiqamətdə işlər görülsə də problemlərin belə qısa müddətdə həlli mümkün deyil”, - sədr vurğulayıb.
 
Zaur Mikayılov həmçinin içməli su probleminin həllinə özəl sektorun cəlb olunmasını vacibsaydığını deyib. 

 

Gülnar Nazimqızı