Macarıstan parlamenti ölkənin yeni Prezidentini seçib - YENİLƏNİB
26.02.2024 21:53
Macarıstan parlamenti Konstitusiya Məhkəməsinin sədri olmuş Tamaşa Şuyokanı ölkənin yeni Prezidenti seçib.
TASS xəbər verir ki, parlamentin yaz sessiyasının ilk günündə yeni prezidentin seçilməsi baş tutub. 67 yaşlı Şuyokanın namizədliyini parlamentdəki 199 yerdən 135-ni tutan hakim partiyalar - Macarıstan Vətəndaş Birliyi və Xristian Demokratlar Koalisiyası irəli sürüb. Bu isə onun elə birinci turda qələbəsini təmin edib.
21:03
Macarıstan parlamenti ölkə prezidenti Katalin Novakın istefasını qəbul edib.
Bu barədə TASS xəbər verir.
Deputatlar qış tətilindən sonra parlamentin milli televiziyada yayımlanan ilk iclasında dövlət başçısının istefası barədə bəyanatını yekdilliklə təsdiqləyiblər.
Onun yerinə parlamentdə üçdə iki səs çoxluğuna malik olan hakim partiyalar Konstitusiya Məhkəməsinin 67 yaşlı sədri Tamaş Şujokun namizədliyini irəli sürüb.
Bu posta irəli sürülmək üçün namizəd deputatların azı 20 faizinin dəstəyini qazanmalı, birinci turda qalib gəlmək üçün isə səslərin üçdə ikisini almalıdır. Macarıstan parlamentli respublikadır, əsas hakimiyyət baş nazir və hökumətin əlində cəmləşib.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
