Azərbaycanın Maliyyə Nazirliyi 2023-cü il üçün Azərbaycan büdcəsində neftin qiymətini 2022-ci ilin payızında qəbul olunmuş büdcədə nəzərdə tutulan $50/1 bareldən $60/barelə qədər artırmaq niyyətindədir. Bu barədə maliyyə naziri Samir Şərifov bildirib.
"Hazırda Azərbaycan neftinin 1 barrelinin real dəyəri 2023-cü ilin büdcəsində nəzərdə tutulandan $36,3 çoxdur. Bununla əlaqədar Maliyyə Nazirliyi cari ilin büdcəsində neftin dəyərinin 60 dollara çatdırılmasını təklif edir. Bu, riskli addım kimi görünə bilər, lakin biz büdcə parametrlərini real qiymətlərə yaxınlaşdırmaq istəyirik”, - Şərifov cümə günü Milli Məclisin İqtisadiyyat Komitəsinin iclasında bildirib.
Onun sözlərinə görə, ölkənin 2023-cü il büdcəsinin gəlirləri 30,8 milyard manatdan 33,8 milyard manata, xərcləri isə - 33,4 milyard manatdan 36,6 milyard manata kimi artırılb.
Cari ilin büdcə kəsiri də 2 milyard 789 milyon manata kimi yüksəlib.
Hökumət həmçinin təsdiq edilmiş büdcə layihəsində nəzərdə tutulan inflyasiya proqnozunu 6,9%-dən 10,4%-ə yüksəldib.
Azərbaycanın 2023-cü il büdcəsində müdafiə və təhlükəsizlik xərcləri 1 milyard manat artıraraq 4,070 manata kimi yüksəldib. Qarabğın işğaldan azad edilmiş ərazilərinə ayrəlan xərclər də əvvəlki 3 milyard manatdan 5,3 milyard manata kimi artırılıb.
Azərbaycan hökuməti həmçinin 2023-cü ildə ölkənin ÜDM artımı proqnozunu cari il üçün nəzərdə tutulan 2,7%-dən 2,8%-ə yüksəldib. Qeyri-neft ÜDM 4,5%-dən 4,9%-ə yüksəldi.
N.Təbrizli
www.anews.az
Bizi sosial şəbəkələrdə izləyin !
