Amerikalı alimlər tibbi maskadan istifadə etmənin koronavirusa yoluxma riskini 65% azaltdığını açıqlayıblar. Bu riski 90%-ə salmaq üçün maska ilə bərabər sosial məsafə də saxlanılmalıdır, bu barədə Kaliforniya Universitetinin alimlərinin yazdığı məqalədə ildirilir.
Aparılan elmi eksperimentlər nəticəsində alimlər sübut edib ki, tibbi maska insanları virusdan qoruyur. Onların sözlərinə görə, virus hava yolu ilə iki xətt üzrə yayılır. Bunlardan birincisi damcı, yəni ağız və burundan yayılan damcılar şəklində yayılmadır.
İkinci yayılma növü isə hava ilə yayılmadır. Bu yayılma növü daha təhlükəlidir. Belə ki, insan danışarkən yayılan zərrəciklər saatlarla havada qala bilir. Bu səbəbdən qapalı məkanlardan uzaq durmaq, otaq şəraitində pəncərələri açıq saxlamaq lazımdır.
www.anews.az
Bizi sosial şəbəkələrdə izləyin !
