Bloqqer Mehman Hüseynovun müalicəsi üçün tələb olunan pul artıq toplanıb.
"Qafqazinfo” xəbər verir ki, bu barədə M. Hüseynov sosial şəbəkədə məlumat verib. O qeyd edib ki, sağalması üçün tələb olunan məbləğ cəmi 2 günə toplanıb: "Bu, heçkimə zarafat gəlməsin. Cəmi 2 günə tələb onunan məbləğin 98% milli pulumuzla 140.000 AZN toplandı. Bu, Azərbaycanda ilk dəfə idi. Sıravi vətəndaşlar həmrəy oldular və nəticəsi ortadadır.
Təsəvvür edin, İsveçrə həkimləri, burada məni tanıyan xarici dostlar, təşkilatın üzvləri hamı şokdadır. Necə bu baş verdi? Belə bir sürətli, belə qısa bir vaxta bu məbləğin yığılmasını heç vaxt görməyiblər. Və mən bir daha öz ölkəmlə, öz xalqımla fəxr elədim. Siz mənə sahib çıxdınız.
Mənə maddi mənəvi dəstək olanın, dua edənin hər kəsin qarşısında baş əyirəm. Artıq 1-ci gündən müalicəm başlayır və yığılan məbləğin hər bir qəpiyinin hesabatını sizə verəcəm”.
www.anews.az
