"Ölkəmiz tərəfindən bu təhdidə son qoymaq məqsədilə minalanmış ərazilərin xəritələrinin Ermənistan tərəfindən təqdim edilməsinə dair dəfələrlə çağırışlara baxmayaraq, bu ölkə uzun bir müddət ərzində ümumiyyətlə belə xəritələrin mövcudluğunu inkar edib. Beynəlxalq ictimaiyyət tərəfindən göstərilən təzyiqlər nəticəsində təqdim olunmuş, minalanmış ərazilərin kiçik bir hissəsinin əhatə olunduğu məlumatların etibarlılığı isə cəmi 25% təşkil edib. Son dövrlərdə baş verən mina hadisələrinin 55%-dən çoxu təqdim olunmuş məlumatların əhatə etdiyi ərazilərdən kənarda baş verib. Ermənistan tərəfindən mina təhdidinə münasibətdə sərgilənən davranış postmünaqişə dövründə bölgədə dayanıqlı sülh və etimad quruculuğu istiqamətində görülən tədbirlərə daha bir zərbədir", - XİN 4 Aprel - Beynəlxalq Mina Xəbərdarlığı və Minatəmizləmə Fəaliyyətinə Yardım Günü ilə bağlı bəyanatında deyilir.

 

Xarici İşlər Nazirliyi beynəlxalq ictimaiyyəti Ermənistanı mina xəritələrinin təqdim olunmasına və bu istiqamətdə tədbirlər görülməsinə çağırıb. 

 

Bir gün əvvəl Ombudsman Səbinə Əliyeva da beynəlxalq ictimaiyyəti Ermənistana mina xəritələrin verilməsi üçün təziq etməyə dəvət edib. 

 

Bundan əvvəl Ermənistan  beynəlxalq ictimaiyyətin iştirakı ilə mina xəritələrini Azərbaycana verə bilər.

Azərbaycan ərazilərin minalanmasına görə dünyada ilk 10-luqda, Avropada isə ilk 3-lükdə qərarlaşıb. 

 

Mayın sonunda Zəngilanda və Bakıda "Minaların ətraf mühitə təsirinin azaldılması - Təhlükəsiz və yaşıl gələcək üçün resursların səfərbər olunması” mövzusunda beynəlxalq konfrans keçirilməsi gözlənilir.

 

İkinci Qarabağ Müharibəsindən sonra 350 nəfər mina qurbanı olub. 

 

Gülnar Nazimqızı