ANN.Az eunews.az-a istinadən xəbər verir ki, "Dpa” xəbər agentliyi yazır ki, dekabrın 27-də klubun 31-ci illik yığıncağında etik xaker (sertifikatlı xaker) və tədqiqatçı Yan Krissler çıxış edib. O deyib ki, barmaq izinin təsviri tezliklə internetdə yayımlanacaq. Onun sözlərinə görə, barmaq izini tapmaq üçün nazirin əli toxunan obyektə ehtiyac olmayıb.

Krissler deyib ki, bunun üçün oktyabrda mətbuat konfransında yaxından çəkilmiş fotoşəkli və VeriFinger kommersiya proqram təminatından istifadə olunub. 

Müdafiə nazirinin barmaq izinin yarımçıq təsviri və müxtəlif bucaq altında çəkilən fotoşəkillər əsasında xakerlər çatışmayan hissələri bərpa ediblər. Krissler 2008-ci ildə, həmin vaxt Almaniyanın daxili işlər naziri olan Volfqanq Şoyblenin də barmaq izlərini şəklini yaymışdı. Almaniyanın "Zeit online” xəbər vebsaytına görə, Krissler və digər xaker Tobias Fibig Berlin Texniki Universitetində biometrik təhlükəsizlik sistemlərinin məhdudiyəti ilə bağlı tədqiqat aparıblar.

Son zamanlar təhlükəsizlik sistemlərində biometrik vasitələrdən daha çox istifadə olunur. Bu cür sistemlərdə adətən identifikasiya üçün barmaq izi, yaxud  gözün qüzehli qişasının skanı tələb olunur.