Zavoddakı partlayışla bağlı cinayət işi açılıb - Yenilənib

 

Müdafiə Sənayesi Nazirliyinin Şirvan şəhərində yerləşən zavodunda sursat partlayışı nəticəsində 1966-cı il təvəllüdlü Mehman Əhmədovun ölməsi, 1978-ci il təvəllüdlü Səbinə Şəkərovanın isə xəsarətlər alması faktı ilə bağlı Şirvan şəhər prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanılıb.

Bu barədə Baş Prokurorluğun Mətbuat xidməti məlumat yayıb.

Hazırda iş üzrə ibtidai istintaq aparılır.

 13:14

Müdafiə Sənayesi Nazirliyinin "Şirvan Araz zavodu” MMC-də partlayış olub. Bu barədə Baş Prokurorluğun Mətbuat xidmətindən məlumat verilib. 
 
Bildirilib ki, Şirvanda yerləşən zavodunda 1 nəfərin ölümü, 1 nəfərin isə xəsarət alması ilə nəticələnən sursat partlayışı  üzrə Şirvan şəhər prokurorluğunda araşdırma aparılır. Hazırda hadisə yeri şəhər prokurorluğunun əməkdaşları və prokuror-kriminalist tərəfindən müayinə olunur.