Neft sənayesi sahəsində iki şirkətin Azərbaycandakı nümayəndəliyi bağlandı
02.08.2017 12:00
Neft sənayesində fəaliyyət göstərən iki xarici şirkət Azərbaycanı tərk edib. Bunlar İtaliyanın neft-mədən avadanlıqlarının tədarükü sahəsində xidmətlər göstərən "Valvitalia S.P.A” və Almaniyanın "Katt GmbH" şirkətləridir.
anews.az Vergilər qəzetinin xüsusi buraxılışına istinadən xəbər verir ki, kreditorlar və maraqlı şəxslər "Valvitalia S.P.A” ilə bağlı tələblərini Bakı şəhəri, Yasamal rayonu, Bəşir Səfəroğlu küçəsi, ev 133, "SAT PLAZA” biznes mərkəzi, 7-ci mərtəbə ünvanına bildirə bilərlər.
Almaniyanın "Katt GmbH" şirkətinə gəlincə, şirkətin kreditorları tələblərini Bakı şəhəri, Nəsimi rayonu, D. Əliyeva küçəsi, ev 241, mənzil 70 ünvanına bildirə bilərlər.
Qeyd edək ki, "Valvitalia S.P.A” ötən ildən Azərbaycanda fəaliyyət göstərir. "Katt GmbH” 1989-cu ildə təsis olunub. Şirkət neft sektorunda fəaliyyət göstərən şirkətlər üçün müxtəlif xidmətlər təklif edir.
www.anews.az
Foto 
Video 
