Nigeriyada həbsxanaya hücum olub, 1500 məhbus qaçıb

22:00 | 05.04.2021
Nigeriyada naməlum silahlıların hücumu nəticəsində 1500 məhbus həbsxanadan qaçıb, azı 1 polis əməkdaşı ölüb.

"Report” TASS-a istinadən xəbər verir ki, bu barədə yerli "Vanguard” qəzeti məlumat yayıb.

Bildirilib ki, hadisə aprelin 5-də Nigeriyanın cənubunda yerləşən İmo ştatının Overri şəhərində mərkəzi həbsxanada baş verib.

Məlumata görə, hücum edən silahlılar həbsxananı bir neçə saat nəzarətdə saxlayıblar. Onların həbsxanaya hərbi maşınlarla gəldikləri bildirilib.

Hadisə yerinə əlavə hərbi qüvvə cəlb edilib. Qaçan məhbuslarla bağlı əməliyyat-axtarış tədbiri keçirilir.

www.anews.az

Tərəfdaşların xəbərləri

REKLAM