ABŞ prezidenti Barak Obama və Almaniyanın kansleri Anqela Merkel Rusiyanı yeni, iqtisadiyyatın daha geniş sahələrini əhatə edən sanksiyalarla təhdid edib.APA-nın BBC-yə istinadən verdiyi məlumata görə, bunu Obama və Merkel Ağ Evdə keçirilən birgə mətbuat konfransında bəyan ediblər. “Biz hazırkı Ukrayna hökumətini dəstəkləyirik və seçkilərin mayın 25-də baş tutacağına ümid edirik”, - deyə Merkel bildirib. Öz növbəsində, Obama bəyan edib ki, Slavyanska girov saxlanılan ATƏT müşahidəçilərinin azadlığa buraxılması üçün Rusiya özünün təsir vasitələrindən istifadə etməlidir. “Ukrayna hökumətinin ölkənin şərqində qayda-qanunu bərpa etməyə haqqı var”, - deyə Obama vurğulayıb.ANN.Az