BBC xəbər verir ki, hazırda dünyada "Mars One" layihəsi üzrə Mars planetinə səfər etmək istəyən 200 min nəfər qeydiyyatdan keçib. Sonuncu yoxlama mərhələsindən yalnız 600 nəfər keçib. Layihə çərçivəsində sona yalnız 40 nəfər qalmalıdır. Daha sonra seçiləcək bu adamlar 10 il təlim-tədris keçəcək. Layihənin dəyəri 6 milyard dollardır. Bu adamlar Mars planetinə enəcəklər, amma oradan geri qayıda bilməyəcəklər.
Ümidverici şəxslərdən bir də Maggie Lieudur və o, özü haqqında məlumat verib. Açıqlamasında gənc qız ailəsi, dostları üçün darıxacağını, amma internet vasitəsilə danışacaqlarını, e-poçtla əlaqə sxlaya biləcəklərini qeyd edib: "Ailəmə bu barədə danışanda əvvəl elə bildilər ki, ağlımı itirmişəm, dəli olmuşam. İndi isə qətiyyən seçilməyimi istəmirlər. Anam hələ də inanmır, amma atam zarafat edir, hətta gülərək deyi ki, sən gedəndə pulların mənə qala bilərmi?"
M.Lieu texniki baxımdan hər şeyə hazırlaşacaqlarını deyir: "Hətta internetimiz pozulsa, onu da özümüz təmir etməli olacağıq".
BBC-nin müxbirinin "orada uşaq sahibi olmaq istəyərsənmi" - sualına gənc qız "Bu fikrə açığam. Marsda doğulacaq ilk uşağın anası olmaq istəyərəm və bu çox həyəcanlı ola bilər. Övladım ilk marslı olar".
Bəs bu insanlar nə yeyəcəklər, nə içəcəklər?
Layihəyə görə, Marsda ömürlük qalmaq istəyən bu adamlar birdəfəlik paltarla təmin olunacaqlar, yəni bir paltarı geyinib sonra atacaqlar və təzə paltar geyinəcəklər. Amma qidalarını özləri təmin edəcəklər, orada tərəvəz becərəcəklər.
Bu gün dünya mediasını daha çox bu sual maraqlandırır ki, layihə 2015-ci ildə həqiqətəndə baş tutacaqmı? Mütəxəssislər qeyd edirlər ki, layihə üşün lazım olan 6 milyard dolların indiyə kimi 770 min dolları toplanıb. Amma layihə elan olunan gündən indiyə kimi Avropa Kosmos Agentliyi bə NASA da Marsa adam göndərməyə maraq göstərir.
ANN.Az
Bizi sosial şəbəkələrdə izləyin !
