Pensiya və müavinətlərin maliyyələşdirilməsinə yönəldilmiş vəsaitin məbləği 13,8% artıb

13:54 | 16.05.2024
Pensiya və müavinətlərin maliyyələşdirilməsinə yönəldilmiş vəsaitin məbləği 13,8% artıb

Pensiya və müavinətlərin maliyyələşdirilməsinə yönəldilmiş vəsaitin məbləği 13,8% artıb

2024-cü ilin yanvar-martında pensiya və müavinətlərin maliyyələşdirilməsinə yönəldilmiş vəsaitin məbləği 1652,1 milyon manat olub ki, bu da ötən ilin eyni dövrü ilə müqayisədə 13,8% artıb. Bu barədə Dövlət Statistika Komitəsinin hesabatında qeyd olunub. 
 
Bildirlib ki, sərf olunmuş vəsaitin 97,6%-ni pensiya xərcləri təşkil edib.
 
Cari ilin aprelin 1-i vəziyyətinə  Dövlət Sosial Müdafiə Fondunda 1097,3 min nəfər pensiyaçı qeydə alınıb, bu da ölkə əhalisinin 10,8%-ni təşkil edir. 
 
Onların 64,2%-iyaşa, 23,5 %-i əlilliyə, 12,3 %-i isə ailə başçısını itirməyə görə pensiya alır.
 
Hesabat dövründə təyin olunmuş pensiyaların orta aylıq məbləği 490,7 manat olub ki, bu da 2023-cü ilin birinci rübü ilə müqayisədə 13,5%, ilin əvvəli ilə müqayisədə 11,2% çoxdur. Bu məbləğ orta aylıq əmək haqqının 49,8 %-nə bərabər olub.
 
Aygün

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb