Peskov Heydər Əliyevi qeyri-adi şəxsiyyət adlandırıb
10.05.2023 15:14
Rusiya Federasiyası Prezidentinin mətbuat katibi Dmitri Peskov Azərbaycanın eks-prezidenti Heydər Əliyevin görkəmli şəxsiyyət olduğunu və Moskva ilə Bakı arasında əlaqələrin inkişafı üçün çox işlər gördüyünü qeyd edib.
Mayın 10-da Azərbaycan xalqının ümummilli liderinin anadan olmasının 100 illiyi tamam olur.
"Heydər Əliyev qeyri-adi insandır. Rusiya Azərbaycan dostları ilə birlikdə bu tarixin sevincini bölüşür. Heydər Əliyevin tarixi rolunu hər zaman xatırlayırıq", - Peskov bildirib.
Heydər Əliyev 1923-cü il mayın 10-da anadan olub. 1969-1982-ci illərdə Azərbaycan KP MK-nın birinci katibi vəzifəsində çalışıb. 1982-1987-ci illərdə - Sov.İKP MK Siyasi Bürosunun üzvü, SSRİ Nazirlər Soveti sədrinin birinci müavini olub. 1993-cü il oktyabrın 10-da Heydər Əliyev müstəqil Azərbaycanın prezidenti oldu və 2003-cü ildə vəfatına qədər bu vəzifəni icra etdi.
Gülnar Nazimqızı
www.anews.az
Son xəbərlər 
Daha çox
Foto 
Video 
