"Yaxın zamanlarda ciddi kadr islahatlarının şahidi olacağıq" - DEPUTAT
29.10.2019 15:35
"Ölkə prezidentinin çıxışını diqqətlə izlədim. Cənab Prezident 9 ay ərzində ölkə iqtisadiyyatında və sosial sahədə əldə edilən uğurların üzərində lakonik şəkildə dayandı. Bütün bu inkişafın daha geniş xarakter alması və gözlədiyimizdən daha yüksək sürətlə inkişafının vacibliyini önə çəkdi”.
Yeniavaz.com xəbər verir ki, bunu Modern.az-a açıqlamasında Milli Məclisin deputatı Fəzail Ağamalı prezidentin sırağagünkü iqtisadi müşavirədə etdiyi çıxışı şərh edərkən bildirib.
"Eyni zamanda, cənab prezident bu islahatların həyata keçirilməsi zamanı son təyinatlar barədə də danışdı. Həm Vergilər Nazirliyində, həm Gömrük Komitəsində, həm də Əmək və Əhalinin Sosial Müdafiəsi Nazirliyində etmiş olduğu kadr dəyişikliyi, onların müasirliyi, XXI əsrin tələblərinə uyğun olaraq öz işlərini yüksək səviyyədə qurmasını vurğulamaqla bərabər, onlara qarşı "qara pia”dan da söz açdı. Mətbuat vasitəsilə çirkin kampaniyanın aparılmasının yolverilməzliyini, iqtidar daxilində ayrı-ayrı məmurlar tərəfindən şantaj edildiyini deməsi hər kəsin reaksiyasına səbəb oldu. Bu, bir daha onu göstərdi ki, ölkə prezidenti iqtidar daxilində gedən bütün proseslərin fövqündədir və hər şeydən xəbəri var”.
"Həmçinin, onlarla bir yerdə işləməyin mümkün olmayacağını deməsi ciddi xəbərdarlıq idi. Hər birimiz müxtəlif mənbələrdən daxil olan söhbətlərlə tanış idik. İqtidar daxilində müəyyən qüvvələr var ki, onlar az qala radikal müxalifətlə bərabərdilər, islahatların keçirilməsinə imkan vermirlər. Hər şeyə köhnə təfəkkürlə yanaşmağa çalışırlar. Bu məsələlər vardı. Yayılmış olan söz-söhbətlərin kifayət qədər əsası vardı ki, müşavirədə cənab Prezident bunu açıqladı və konkret mesajını verdi. İnanıram ki, yaxın zamanlarda ciddi kadr islahatlarının şahidi olacağıq və bunun əhəmiyyətini də görəcəyik”.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
