Parlamentin buraxılması təşəbbüsünə partiyalardan reaksiyalar

Bu gün Yeni Azərbaycan Partiyası (YAP) Siyasi Şurasının toplantısı keçirilib. Yeni Azərbaycan Partiyasının sədr müavini-icra katibi Əli Əhmədov Azərbaycanda Milli Məclisin buraxılacağı və növbədənkənar Parlament Seçkiləri keçirilməsi ilə bağlı qərarı açıqlayıb.


İqtidardan və müxalifətdən bu qərara müxtəlif mövqeləri əks etdirən reaksiyalar var. Milli Məclis sədrinin müavini Bahar Muradova öz faysbuk profilində yazdığı statusda bu qərarı belə şərh edib: "Yeni Azərbaycan Partiyası hazırda içərisində olduğumuz yeni dövrün çağırışlarını, cəmiyyətin sosial sifarişini və partiyamızın Sədri, ölkə Prezidenti cənab İlham Əliyevin həyata keçirdiyi dərin islahatlar siyasətindən irəli gələn tələbləri nəzərə alaraq ölkə gündəmini, dövləti və milli maraqlarımıza uyğun olaraq dəyişmək iqtidarında olan bir qərar verdi.Növbədənkənar Parlament seçkilərinin keçirilməsi təşəbbüsünü irəli sürməklə hakimiyyətin hər üç qolu arasında qarşılıqlı əlaqəyə əsaslanan sistem xarakterli islahatlara, o cümlədən struktur və kadr dəyişikliklərinə, yeniləşməyə doğru cəsarətli bir addım atmaqla Parlamentin də ölkənin ümumi inkişaf surətinə uyğunlaşması işinə əhəmiyyətli bir töhfə verdi”.
Bahar Muradovanın YAP-çı deputat həmkarı Nəsib Məhəməliyev bizimyol.info portalına açıqlamasında oxşar mövqe sərgiləyib: "Parlamentin buraxilması ilə bağlı qərar Yeni Azərbaycan Partiyasının qərarıdır. YAP- ın üzvü olaraq, bunu normal qarşılayıram .Hesab edirəm ki, hakimiyyətin digər strukturlarında - icra orqanlarında məhkəmə hakimiyyətində aparılan islahatlar qanunericilik hakimiyyətində də getməlidir. Bu zamanın tələbidir və cənab Prezidentin apardığı siyasətlə uzlaşır. YAP üzvləri də partiya sədrinin bu qərarına hörmətlə yanaşır”.
Başqa siyasi partiyaların isə bu qərara münasibəti birmənalı deyil. AXCP sədri Əli Kərimli mətbuata verdiyi açıqlamasında deyir ki, bu, qanunverici hakimiyyətin də eyni əldə cəmləçdirilməsinə xidmət edir. Onun sözlərinə görə, YAP bu qərarı könüllü verməyib, Prezidentin verdiyi göstəriş əsasında həyata keçirilib. Partiya sədri eyni zamanda vurğulayıb ki, belə bir qərarın verilməsi "cəmiyyətdə narazılığın artmasndan, müxalifətin güclənməsindən, buna görə seçkilərdə hakimiyyəti gözləyən sürprizlərdən” irəli gəlib. Əli Kərimli hökumətə seçki islahatları ilə bağlı təkliflər verdiklərini də deyib. Bu təkliflərin seçki komissiyalarının yenidən qurulması, proporsional seçki sisteminin bərpası, seçki müşahidəçilyinə şərait yaradıması və seçkilərdən şikayətlərin obyektiv araşdırılması ilə bağlı olduğunu, lakin nəzərə alnmadığını söyləyən partiya sədri hökumətin onları fakt qarşısında qoyduğunu, belə şəraitdə seçkidə iştirakdan imtina olunacağını istisna etməyib və bu məsələnin müzakirə ediləcəyini deyib.
ReAl Partiyasının sədri İlqar Məmmədov isə keçirdiyi brifinqdə müxlifətin fakt qarşısnda qoyulması haqqında Əli Kərimlinin dediklərini ad çəkmədən təkzib edib. O deyib: "Biz buna əvvəldən hazır iidk, hamını dab u seçkilərə hazırlaşmağa çağırırdıq”. İlqar Məmmədov deyib ki, bu ilin əvvəlində ReAl Partiyası40 min imza toplayaraq Milli Məclisə təqdim etdiyi zaman parlamentin buraxılması üçün Konstitusion şərait yaranmışdı, ancaq Prezident parlamenti o zaman buraxmadı. İlraq Məmmədob partiyasının seçkidə iştirak edəcəyini deyib. Eyni zamanda özünün və başqa iki fəal üzvün seçkilərə buraxılmayacağını da bildirib.
Müsavat Partiyasının başqanı Arif Hacılı isə deyib ki, parlament onsuz da buraxılmalı idi. O, faysbuk hesabında yazıb ki, bu parlament xalqn iradəsi ilə yaradılmamışdı. Arif Hacılı eyni zamanda ciddi seçki islahatının aparılmalı olduğunu da deyib.

www.anews.az