Xameneiyə ən yaxın adamın koronavirusa yoluxduğu iddia edilir - FOTO

İranın dini lideri Əli Xameneinin müşaviri Əli Əkbər Vilayətinin ölümcül koronavirusa yoluxduğu iddia edilir.

Yeniavaz.com xarici KİV-ə istinadla xəbər verir ki, virusa yoluxmuş xeyli sayda insanla əlaqədə olmuş Əli Əkbər Vilayətinin karantinə alındığı bildirilir.

Qeyd edək ki, ölkənin Səhiyyə Nazirliyinin sözçüsü Cahanpur, son 24 saat ərzində İranda 1075 yeni yoluxma halının aşkarlandığını və 75 nəfərin dünyasını dəyişdiyini açıqlayıb.

 

Ölkədə koronavirusdan ölənlərin sayı 429-a çatıb. Yoluxanların sayı isə 10 min nəfəri ötüb.