Bakıda aksiya keçirildi- SAXLANILANLAR VAR-FOTO

Dekabrın 1-də Bakının Fəvvarələr meydanında  həbsxanada 26 gündür aclıq aksiyası keçirən Gədəbəy rayon İcra Hakimiyyətinin keçmiş başçısı Saleh Rüstəmlinin azadlığa buraxılması tələbi ilə aksiya keçirilib. Aksiyada 37 nəfərin saxlanıldığı bildirilib, bu barədə məlumatı Azərbaycan Xalq Cəbhəsi Partiyası yayıb.

 

 

"Bu gün Fəvvarələr meydanında ölkədə tətbiq edilmiş xüsusi karantin rejimi qaydalarını kobud şəkildə pozaraq icra hakimiyyəti orqanları ilə razılaşdırılmamış aksiya keçirməyə cəhd göstərilib.Qanunsuz aksiyanın təşkilatçıları, eləcə də polis əməkdaşlarına müqavimət göstərməyə cəhd edən bir neçə nəfər saxlanılıb, digərləri isə ərazidən uzaqlaşdırılıblar",deyə Elşad Hacıyev qeyd edib.

 

Aksiya siyasi fəalların itirakı ilə "Saleh Rüstəmliyə azadlıq! şüarı ilə baş tutub. Saxlanılananlar arasında  Müsavat partiyası və Milli Şuranın üzvü olan Tofiq Yaqublu, İlkin Rüstəmzadə və digərləri olub. 

 

Saleh Rüstəmova fevralın 27-sində Bakı Ağır Cinayətlər Məhkəməsi 7 il 3 ay azadlıqdan məhrum edilməsi haqqında qərar çıxarıb.O, Rusiyada qanunsuz sahibkarlıqla məşğul olmaqda və AXCP-ni maliyyələşdirmək yoluyla çirkli pulları yumaqda ittiham edilib. Saleh Rüstəmov Rusiya vətəndaşı olub. 1992-1993-cü illərdə Gədəbəy Rayon İcra Haimiyyətinin başçısı olub.

Samirə Əli