• $
  • €
  • ₽
  • ₺
  • £

Seyran Ohanyanın ordumuz haqda söylədiyi təhqiramiz fikirlərə sərt cavab

Seyran Ohanyanın ordumuz haqda söylədiyi təhqiramiz fikirlərə sərt cavab
20.02.2014 12:48
Azərbaycan Respublikasının Müdafiə Nazirliyi Ermənistanın müdafiə naziri Seyran Ohanyanın Azərbaycanın tarixi və ordusu haqqında söylədiyi təhqiramiz fikirlərə sərt cavab verib.Bununla bağlı Müdafiə Nazirliyinin mətbuat xidmətinin rəhbəri polkovnik-leytenant Vaqif Dərgahlı Trend-ə açıqlamasında bildirib:"Son günlərdə Ermənistan Respublikasının müdafiə naziri Seyran Ohanyanın qədim tarixə və ənənəyə malik Azərbaycan dövləti haqqında söylədiyi cəfəng fikirlərə münasibət olaraq qeyd edirik ki, eramızdan əvvəl I minillikdə - bizim eranın I minilliyinin əvvəllərində Azərbaycan torpaqlarında Manna, İskit (Skit, Skif) şahlığı, Atropatena və Albaniya kimi qüvvətli dövlətlər mövcud olub. Bu dövlətlər Azərbaycanda dövlət idarəçiliyi mədəniyyətinin və tarixi ənənələrinin daha da yüksəldilməsində, ölkənin iqtisadi-mədəni tarixində, eləcə də vahid xalqın təşəkkülü prosesində mühüm rol oynayıb. Azərbaycan xalqı bu ərazidə - tarixi Azərbaycan torpaqlarında zəngin və özünəməxsus mədəniyyət, o cümlədən dövlətçilik ənənələri yaradıb".V.Dəgahlı hesab edir ki, Ermənistanın müdafiə naziri qədim Azərbaycan dövləti və onun tarixi ənənələri barədə danışmaqdansa, erməni milləti və Ermənistan haqqında tarixi şəxsiyyətlərin - A.S.Puşkin, A.S.Qriboyedov, Musa Xorenatsi, gürcü yazıçı və mütəfəkkir İ.Çavçavadze, fransız səyyah qraf De-Şolye, rus diplomatlar Mayevski, Paskeviçin və digərlərinin fikirlərinə diqqət yetirməsi daha məsləhətdir.Mətbuat xidmətinin rəhbəri buna misal olaraq A.S.Qriboyedovun Rusiya imperatoruna yazdığı məktubdan bir sitatı xatırladıb: "Ermənistan bir dövlət kimi bəşəriyyət tarixində heç bir mühüm rol oynamamış, onun adı hayların səpələndiyi coğrafi termin olub güclü dövlətlərin - assuriyalıların, midiyalıların, iranlıların, yunanların, monqolların, rusların öz mübahisələrini həll etdikləri yer olmuşdur. Onlar ermənilərlə heç zaman dil tapa bilmədiklərini daim bildirmişlər. Ermənilərin hiyləgərliyi olduqca iyrənc, alçaqlığı olduqca dözülməz, əclaflığı olduqca təəssüfləndiricidir".Ermənistan rəhbərliyinə ismarıc yollayan Müdafiə Nazirliyinin sözçüsü əlavə olaraq bəyan edib ki, Azərbaycan Ermənistan tərəfindən işğal edilmiş torpaqlarını hər an azad etməyə və tarixi həqiqəti bərpa etməyə hazırdır: "Böyük Ermənistan" dövləti ideyası ilə yaşayan erməni hərbi-siyasi rejimi anlamalıdır ki, Azərbaycan hərbi, iqtisadi və siyasi imkanlarına, beynəlxalq təşkilatların Dağlıq Qarabağ münaqişəsi ilə bağlı qəbul etdiyi qərarlara, o cümlədən Azərbaycan xalqının möhkəm iradəsinə və Silahlı Qüvvələrin gücünə güvənərək tarixi həqiqəti bərpa etməyə hər an hazırdır. Azərbaycan Respublikasının Prezidenti, Silahlı Qüvvələrin ali baş komandanı cənab İlham Əliyevin "Azərbaycan öz ərazisində ikinci qondarma erməni dövlətinin yaradılmasına imkan verməyəcək" fikri dövlətimizin Dağlıq Qarabağ münaqişəsində mövqeyini birmənalı olaraq ortaya qoyur. Azərbaycanın bu istəyi tarixi ədalətə, beynəlxalq hüquq normalarına söykənir və Silahlı Qüvvələrimiz dövlət rəhbərliyinin ərazi bütövlüyümüzü bərpa etmək haqqında verəcəyi hər bir tapşırığı qısa müddətdə yerinə yetirməyə həmişə hazırdır".Qeyd edək ki, bir neçə gün öncə Ermənistanın müdafiə naziri Seyran Ohanyan "Erkrap" könüllülər ittifaqının 10-cu yubiley qurultayında Azərbaycana, onun tarixi və ordusuna qarşı təhqiramiz ifadələr işlədib.ANN.Az
Facebook
Keçid et
Oxşar xəbərlər
Oxşar xəbərlər
İlham Əliyev Gürcüstanın iqtisadiyyat və davamlı inkişaf nazirini qəbul edib
Siyasət 18:05
İlham Əliyev Gürcüstanın iqtisadiyyat və davamlı inkişaf nazirini qəbul edib
Prezident İlham Əliyev Almaniyanın xarici işlər nazirini qəbul edib
Siyasət 17:34
Prezident İlham Əliyev Almaniyanın xarici işlər nazirini qəbul edib
İlham Əliyev bu sənədləri təsdiqləyib
Siyasət 15:53
İlham Əliyev bu sənədləri təsdiqləyib
Ərlərinin xidmət etdiyi yerdə iş tapa bilməyən hərbçi xanımlarına aylıq müavinət təklif olunur
Siyasət 15:29
Ərlərinin xidmət etdiyi yerdə iş tapa bilməyən hərbçi xanımlarına aylıq müavinət təklif olunur
Mirzoyan NATO nümayəndəsi ilə Azərbaycanla sülh prosesini müzakirə edib
Siyasət 14:27
Mirzoyan NATO nümayəndəsi ilə Azərbaycanla sülh prosesini müzakirə edib
Almaniya XİN başçısı Azərbaycana gələcək
Siyasət 13:17
Almaniya XİN başçısı Azərbaycana gələcək
Britaniya Qarabağın bərpasına dəstəyi davam etdirəcək
Siyasət 11:43
Britaniya Qarabağın bərpasına dəstəyi davam etdirəcək
Britaniya Azərbaycanı Avropanın etibarlı enerji tərəfdaşı hesab edir
Siyasət 11:37
Britaniya Azərbaycanı Avropanın etibarlı enerji tərəfdaşı hesab edir
Britaniya Cənubi Qafqazda sülhü Orta Dəhlizi ilə əlaqələndirir
Siyasət 11:31
Britaniya Cənubi Qafqazda sülhü Orta Dəhlizi ilə əlaqələndirir
Anews TV

Rəsmi Youtube kanalımız

Abunə ol