• $ 1.7
  • € 1.7517
  • ₽ 1.7594
  • ₺ 0.0472
  • £ 2.1013

Amnesty International Azərbaycanı tənqid edən hesabat dərc edib

Amnesty International Azərbaycanı tənqid edən hesabat dərc edib
27.01.2025 18:59
Beynəlxalq insan hüquqları təşkilatı Amnesty International Azərbaycanda insan hüquqlarının vəziyyətinin pisləşməsi ilə bağlı yeni hesabatını açıqlayıb.

"Azərbaycanda fikir, birləşmə və dinc toplaşmaq azadlıqlarına əsassız məhdudiyyətlər qoyulması, eləcə də hüquq müdafiəçiləri və jurnalistlərə qarşı repressiyalar müşahidə olunur", –  sənəddə qeyd edilib.

Hesabatda ədalətli məhkəmə hüququnun pozulması və məhkəmə sistemindən siyasi məqsədlərlə sui-istifadə edildiyi vurğulanıb.

Həmçinin hüquq müdafiəçiləri və hökuməti tənqid edən şəxslərin əsassız həbslərinin geniş yayıldığı bildirilir. Sənəddə Anar Məmmədli, Qubad İbadoğlu, Tofiq Yaqublu, Rüfət Səfərov, İqbal Əbilov və Bəhruz Səmədovun həbsi qeyd olunub.

Bundan başqa, Meydan TV-nin altı jurnalistinin həbs edilməsi hesabatda əksini tapıb.

İşgəncələr və tibbi yardımın rədd edilməsi

Hesabatın digər bölməsi həbsdə olan şəxslərə işgəncə verilməsi, onlarla sərt rəftar edilməsi və onların tibbi yardımdan məhrum edilməsinə həsr olunub.

"Hökuməti tənqid edən şəxslərin əksəriyyəti həbsdə işgəncəyə məruz qaldığını bildirir, lakin bu şikayətlər effektiv araşdırılmır",    hesabat müəllifləri qeyd ediblər. 

Sənəddə Abzas Media jurnalistləri Sevinc Vaqifqızı və Nərgiz Absalomovaya təzyiqlər xüsusi vurğulanıb.

Həmçinin bir neçə həbsdə olan jurnalist və aktivistin ciddi sağlamlıq problemlərinin olduğu, lakin onlara tibbi yardım göstərilmədiyi qeyd edilib.

Azərbaycanda toplaşmaq azadlığına məhdudiyyətlər

Amnesty International Azərbaycanda sərbəst toplaşmaq azadlığının məhdudlaşdırılmasına da diqqət çəkib.

"Ölkədə dinc etiraz aksiyaları artıq on ildən çoxdur ki, faktiki olaraq qadağan olunub",  -  hesabatda deyilir.

Hesabatda Azərbaycanda insan hüquqlarının vəziyyətinin yaxşılaşacağına dair heç bir əlamət olmadığı vurğulanıb.

Təşkilat beynəlxalq ictimaiyyəti Azərbaycanda insan hüquqlarının sistemli və ciddi şəkildə pozulmasını qətiyyətlə pisləməyə çağırıb.
 
Rəsmi Bakı isə bütün bu deyilənləri rədd edir. 
 
Prezident İlham Əliyev jurnalistlərin həbsi ilə bağlı tənqidləri rədd edib

Prezident İlham Əliyev jurnalistlərin həbsi ilə bağlı tənqidləri rədd edərək, Azərbaycanda "azad mətbuatın və sərbəst internetin" olduğunu bildirib.

"Biz də digər ölkələr kimi, media mühitimizi xarici mənfi təsirlərdən qorumağa məcburuq," –  dövlət başçısı ötən il Almaniyaya səfəri zamanı çıxışı zamanı vurğulayıb.
 
N.Təbrizli
 


www.anews.az
Oxşar xəbərlər
Oxşar xəbərlər
Rusiyalı deputatın Azərbaycana girişinə qadağa qoyulub
Siyasət 14:39
Rusiyalı deputatın Azərbaycana girişinə qadağa qoyulub
Putin təyyarə qəzası ilə bağlı açıqlama verməyi planlaşdırmır
Siyasət 15:17
Putin təyyarə qəzası ilə bağlı açıqlama verməyi planlaşdırmır
Azərbaycan XİN Rusiyadan  Bakıda
Siyasət 15:22
Azərbaycan XİN Rusiyadan Bakıda "Rus evini" bağlamağı tələb edib
Şahnaz Bəylərqızı 3 ay 15 gün müddətinə həbs edilib
Siyasət 15:16
Şahnaz Bəylərqızı 3 ay 15 gün müddətinə həbs edilib
Nazir Prezidentin köməkçisi təyin olunub - Sərəncam
Siyasət 17:26
Nazir Prezidentin köməkçisi təyin olunub - Sərəncam
Paşinyan Azərbaycana yeni münasibətlərə başlamağı təklif edir
Siyasət 14:00
Paşinyan Azərbaycana yeni münasibətlərə başlamağı təklif edir
AZAL təyyarəsini Rusiya tərəfi vurub, Azərbaycanın əlində raketin qalıqları var -  Reuters
Siyasət 21:23
AZAL təyyarəsini Rusiya tərəfi vurub, Azərbaycanın əlində raketin qalıqları var - Reuters
Deputat təklif edir ki, 28 maya qədər amnistiya aktı hazırlansın
Siyasət 12:15
Deputat təklif edir ki, 28 maya qədər amnistiya aktı hazırlansın
Ermənistan silahlanacaq və Konstitusiyasını dəyişməyəcək - Paşinyan
Siyasət 18:10
Ermənistan silahlanacaq və Konstitusiyasını dəyişməyəcək - Paşinyan
Anews TV

Rəsmi Youtube kanalımız

Abunə ol