Prezident və xanımı Heydər Əliyevin məzarını ziyarət ediblər

Mayın 10-u  müstəqil Azərbaycanın memarı və qurucusu Heydər Əliyevin anadan olmasının 102-ci ildönümü günüdür.

Bununla əlaqədar Azərbaycan Prezidenti İlham Əliyev və birinci xanım Mehriban Əliyeva mayın 9-da Fəxri xiyabanda Heydər Əliyevin məzarını ziyarət ediblər.

Prezident Heydər Əliyevin məzarı önünə əklil qoyub,xatirəsini ehtiramla anıb.Sonra Azərbaycan Respublikasının Dövlət Himni səsləndirilib.

Dövlət başçısı və birinci xanım Heydər Əliyevin həyat yoldaşı, görkəmli oftalmoloq-alim, akademik Zərifə Əliyevanın xatirəsini ehtiramla anaraq məzarı üzərinə gül dəstələri qoyublar.

Dövlət xadimi Əziz Əliyevin və professor Tamerlan Əliyevin də xatirələri yad olunub.