• $ 1.7
  • € 1.9786
  • ₽ 0.021157
  • ₺ 0.0414
  • £ 2.2956

Deputat: Əliyevin Vaşinqton səfəri regionun gələcəyi üçün mühüm mərhələdir

Deputat: Əliyevin Vaşinqton səfəri regionun gələcəyi üçün mühüm mərhələdir
09.08.2025 13:12

Prezident İlham Əliyevin ABŞ Prezidenti Donald Trampın dəvəti ilə Vaşinqtona işgüzar səfəri Azərbaycan-Ermənistan münasibətlərinin normallaşdırılması və Bakı–Vaşinqton əlaqələrinin gələcək inkişafı baxımından əhəmiyyətlidir. Bunu deputat Zaur Şükürov bildirib.


Onun sözlərinə görə, Azərbaycanın regionun əsas tranzit mərkəzlərindən biri olması və Orta Dəhliz üzərində yerləşməsi, habelə 2020-ci ildə torpaqların işğaldan azad edilməsindən sonra sülh gündəliyinin irəli sürülməsi səfərin strateji əhəmiyyətini artırır.

Şükürov qeyd edib ki, Azərbaycan 2020-ci ildəki müharibə və sonrakı hərbi əməliyyatlar nəticəsində suverenliyini tam bərpa edib.

O, həmçinin 2022-ci ildə Bakının sülh müqaviləsi üzrə təqdim etdiyi beş baza prinsipini xatırladıb və 2025-ci ilin martında yekun mətnin razılaşdırıldığını vurğulayıb.

Deputat bildirib ki, Vaşinqton görüşündə imzalanan birgə bəyanat çərçivəsində Ermənistan Azərbaycanın şərtlərini qəbul edib, o cümlədən Minsk Qrupunun ləğvi və konstitusiyadan ərazi iddialarının çıxarılması.

Zəngəzur dəhlizinin açılması ilə bağlı razılıq da əldə olunub.

Onun fikrincə, sənəd regionda yeni status-kvonu təsdiqləyir və beynəlxalq ictimaiyyət, o cümlədən ABŞ, mövcud reallığı qəbul edir.



Deputat Zaur Şükürov bildirib ki, Prezident İlham Əliyevin ABŞ-a səfəri iki ölkə arasında enerji, nəqliyyat, ticarət, texnologiya və təhlükəsizlik sahələrində əməkdaşlığı gücləndirə bilər.

Onun sözlərinə görə, 1994-cü ildə imzalanan “Əsrin müqaviləsi”ndən sonra Azərbaycan-ABŞ münasibətlərində enerji əməkdaşlığı ön planda olub. Şükürov həmçinin 1992-ci ildə qəbul edilən “Azadlığa Yardım Aktı”na əlavə edilmiş 907-ci düzəlişin ikitərəfli əlaqələrə mənfi təsir göstərdiyini, lakin 2001-ci ildən etibarən bu düzəlişin tətbiqinin hər il dayandırıldığını xatırladıb.

Deputat bildirib ki, səfər çərçivəsində Strateji İşçi Qrupunun yaradılması və 907-ci düzəlişin tətbiqinin yenidən dayandırılması barədə qərar qəbul edilməsi Bakı-Vaşinqton münasibətlərinin inkişafına təkan verə bilər.

Şükürov hesab edir ki, ABŞ-ın Cənubi Qafqaz siyasətində Azərbaycanın rolu artacaq və ölkənin beynəlxalq nəqliyyat və enerji qovşağı kimi əhəmiyyəti möhkəmlənəcək. Onun fikrincə, bu səfər həm də regionda sülh təşəbbüslərinin dəstəklənməsi və iqtisadi inteqrasiyanın təşviqi baxımından əhəmiyyətlidir.

Oxşar xəbərlər
Oxşar xəbərlər
ABŞ Dövlət Departamenti Azərbaycan və Ermənistanla imzalanmış sənədlərin mətnini açıqlayıb
Siyasət 21:55
ABŞ Dövlət Departamenti Azərbaycan və Ermənistanla imzalanmış sənədlərin mətnini açıqlayıb
Bəxtiyar Ersayın yerinə təyinat olub
Siyasət 18:56
Bəxtiyar Ersayın yerinə təyinat olub
Onlar oktyabrın 1-dən həqiqi hərbi xidmətə çağırılacaq
Siyasət 17:08
Onlar oktyabrın 1-dən həqiqi hərbi xidmətə çağırılacaq
Prezident “Qarabağ” klubunu mükafatlandırıb – 5 milyonluq dəstək
Siyasət 16:14
Prezident “Qarabağ” klubunu mükafatlandırıb – 5 milyonluq dəstək
İcra başçısına şiddətli töhmət – Prezident sərəncam imzalayıb
Siyasət 16:12
İcra başçısına şiddətli töhmət – Prezident sərəncam imzalayıb
Rusiyada sabiq teatr direktoru Məmmədəli Ağayev həbs edilib
Siyasət 06:58
Rusiyada sabiq teatr direktoru Məmmədəli Ağayev həbs edilib
Şeremetyevodakı duty free şəbəkəsi İlham Rəhimovun kürəkənindən alınıb
Siyasət 06:39
Şeremetyevodakı duty free şəbəkəsi İlham Rəhimovun kürəkənindən alınıb
Zelenski ilə Putin arasında görüş olmayacaq - Merz
Siyasət 23:01
Zelenski ilə Putin arasında görüş olmayacaq - Merz
Azərbaycan parlamenti: Xaricdən idarə olunan informasiya kampaniyası neytrallaşdırılıb
Siyasət 18:47
Azərbaycan parlamenti: Xaricdən idarə olunan informasiya kampaniyası neytrallaşdırılıb
Anews TV

Rəsmi Youtube kanalımız

Abunə ol