Sionist rejimin region dövlətlərinə təcavüzləri ciddi narahatlıq yaradır - Əraqçı

Tehran və Bakı Yaxın Şərqdə sabitliyə mənfi təsir göstərən amilləri, xüsusilə də “sionist rejimin” Livan və Yəmən də daxil olmaqla qonşu ölkələrə qarşı həyata keçirdiyi təcavüzləri müzakirə edib. Bunu İran XİN rəhbəri Arakçi bildirib.

Əraqçının sözlərinə görə, bu qarşıdurmalar göstərib ki, İsrail “öz strateji məqsədlərinə çatmaqda aciz qalıb və müharibələrdə uğursuzluğa düçar olub”.

Nazir əlavə edib ki, danışıqlarda regional və beynəlxalq məsələlər, o cümlədən Şərqi Asiya regionu, “üç+üç formatı” və Qazaxıstanla birgə əməkdaşlıq perspektivləri, həmçinin xarici müdaxilələrə qarşı ortaq mövqe və bölgədə sülh və sabitliyin gücləndirilməsi müzakirə olunub. 

Əraqçı bildirib ki, tərəflər yalnız ikitərəfli deyil, həm də digər regional ölkələrlə üçtərəfli görüşlərin keçirilməsi barədə razılığa gəlib.

O, Azərbaycan hökumətinə “səmimi və isti qonaqpərvərliyə” görə təşəkkür edib və İran–Azərbaycan münasibətlərinin “hər gün daha da genişlənəcəyinə əmin olduğunu” vurğulayıb.

Aytac Zeynalova