Azərbaycanın səfiri Dominikan Respublikasının Prezidentinə etimadnaməsini təqdim edib

Azərbaycanın Dominikan Respublikasındakı səfiri Ruslan Rzayev çərşənbə günü etimadnaməsini Prezident Luis Abinaderə təqdim edib, Azərbaycan Xarici İşlər Nazirliyi bildirib.

Görüş zamanı səfir Rzayev Prezident İlham Əliyevin salamlarını çatdırıb, Abinader isə salamlarını Azərbaycan Prezidentinə yetirməyi xahiş edib.

Tərəflər müxtəlif sahələrdə əlaqələrin inkişaf perspektivlərini müzakirə edib, beynəlxalq təşkilatlar çərçivəsində əməkdaşlığın davam etdirilməsinin vacibliyini vurğulayıb və qarşılıqlı maraq doğuran məsələlər ətrafında fikir mübadiləsi aparıblar, nazirlik qeyd edib.

N.Təbrizli