MDB Azərbaycan və Ermənistanın daha fəal iştirakını gözləyir

Müstəqil Dövlətlər Birliyi (MDB) ümid edir ki, Vaşinqtonda Azərbaycan və Ermənistan arasında imzalanan sənədlər sülh sazişinin əsasını təşkil edəcək. Bu barədə MDB-nin baş katibi Sergey Lebedev bildirib.

“Biz hesab edirik ki, bu, Azərbaycanla Ermənistan arasında fikir ayrılıqlarının aradan qaldırılması və sülh müqaviləsinin bağlanması yolunda mərhələlərdən biridir,” –  Lebedev MDB Daimi Nümayəndələr Şurasının iclası ərəfəsində bildirib.

Onun sözlərinə görə, sülh sazişi MDB-nin ali orqanlarının iclaslarının hər iki respublika ərazisində daha dolğun keçirilməsinə imkan verəcək.

“Ümid edirəm ki, bu respublikalar Birliyin fəaliyyətində daha fəal iştirak edə biləcəklər,” – o əlavə edib.

N.Təbrizli