Çernoqoriyada azərbaycanlılara qaydalara əməl etmək tövsiyə olunub

Azərbaycanın Serbiyadakı səfirliyi və Çernoqoriyadakı diplomatik nümayəndəliyi Podqoritsada baş vermiş iğtişaşlar fonunda vətəndaşlara müraciət edərək ictimai qaydalara riayət etməyə və yerli qanunlara ciddi əməl etməyə çağırıb.

Hadisələr zamanı Türkiyə vətəndaşları ilə yanaşı, bir Azərbaycan vətəndaşı da saxlanılıb.

Diplomatik nümayəndəlik bildirir ki, məsələ nəzarətdə saxlanılır və diplomatik kanallar vasitəsilə araşdırılır.

Azərbaycan tərəfi saxlanılan vətəndaşla bağlı Çernoqoriya hüquq-mühafizə orqanları ilə əlaqə saxlayır.

Vətəndaşlara mümkün insidentlərdən yayınmaq üçün kütləvi aksiyalarda iştirak etməmək və zərurət yarandıqda dərhal səfirlik və ya diplomatik ofislə əlaqə saxlamaq tövsiyə olunub.

Azərbaycan XİN məsələyə münasibət bildirməyib.

N.Təbrizli