Milli Məclis “Büdcə sistemi haqqında” qanuna yeni maddə əlavə edib

Azərbaycan Respublikası Milli Məclisi “Büdcə sistemi haqqında” qanuna 11.16-1-ci maddəni əlavə edib. 

Qanuna əlavə olunan maddəyə əsasən, dövlət büdcəsinin və icmal büdcənin layihələrinin, habelə icmal büdcənin göstəricilərinin hazırlanması üçün zəruri məlumatlar dövlət büdcəsindən maliyyələşən təşkilatlar tərəfindən müvafiq icra hakimiyyəti orqanının müəyyən etdiyi quruma təqdim ediləcək. Eyni zamanda, büdcə göstəriciləri, gəlir və xərclərin bölgüsü və digər məlumatlar həmin qurum tərəfindən təşkilatlara informasiya sistemi vasitəsilə təqdim olunacaq.

Dəyişiklik dövlət büdcəsi layihələrinin hazırlanması prosesində məlumat mübadiləsinin rəqəmsallaşdırılmasını və şəffaflığın artırılmasını təmin etməyə yönəlib.

Gülnar Nazimqızı