Prezident Kallasın başçılıq etdiyi nümayəndə heyətini qəbul edib

Azərbaycan Prezidenti İlham Əliyev mayın 5-də Avropa İttifaqının Azərbaycan Prezidenti İlham Əliyev mayın 5-də Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallasın başçılıq etdiyi nümayəndə heyətini qəbul edib. 

Görüşdə tərəflər əvvəlki təmasları xatırlayaraq, 2025-ci ildə keçirilmiş danışıqlar zamanı əməkdaşlığın genişləndirilməsi ilə bağlı aparılan müzakirələri qeyd ediblər. 

Kallas Avropa İttifaqı Şurasının Prezidenti Antonio Koştanın salamlarını çatdırıb, Əliyev isə təşəkkür edərək qarşılıqlı salamlarını göndərib. 

Tərəflər Azərbaycan–Aİ münasibətlərinin strateji xarakter daşıdığını vurğulayıb, Bakının enerji sahəsində etibarlı tərəfdaş olduğu qeyd olunub. Əliyev bildirib ki, Azərbaycan qazı son vaxtlar Aİ-nin daha iki üzvü – Almaniya və Avstriyaya çatdırılıb. 

Görüşdə enerji, nəqliyyat, təhlükəsizlik və ticarət sahələrində əməkdaşlıq perspektivləri, həmçinin rəqəmsal transformasiya, süni intellekt və bərpaolunan enerji istiqamətləri müzakirə olunub. 

Tərəflər həmçinin Azərbaycan–Ermənistan sülh prosesinə toxunaraq, Bakının sülh gündəliyi çərçivəsində atdığı addımları qeyd ediblər. Bildirilib ki, Azərbaycan Ermənistana gedən tranzit yüklərlə bağlı məhdudiyyətləri birtərəfli qaydada aradan qaldırıb.