Şəhid ailələri və müharibə əlillərinin mənzil təminatının maliyyələşmə müddəti uzadılıb

Azərbaycanda müharibə ilə əlaqədar əlilliyi müəyyən edilmiş şəxslərin və şəhid ailələrinin mənzil və fərdi evlərlə, həmçinin reabilitasiya vasitələri və xidmətləri ilə təmin edilməsi 2029-cu ilədək formalaşmış dövlət icbari şəxsi sığorta vəsaiti hesabına maliyyələşdiriləcək.

Prezident İlham Əliyev bununla bağlı “Əlilliyi olan şəxslərin və şəhid ailələrinin sosial müdafiəsi və sosial təminatı ilə bağlı tədbirlərin dövlət icbari şəxsi sığorta vəsaiti hesabına maliyyələşdirilməsi haqqında” 2022-ci il 29 sentyabr tarixli sərəncamda dəyişiklik edilməsi barədə sərəncam imzalayıb.

Dəyişikliyə qədər bu tədbirlərin 2022-2026-cı illərdə formalaşmış dövlət icbari şəxsi sığorta vəsaiti hesabına maliyyələşdirilməsi nəzərdə tutulurdu. Yeni sərəncamla müddət 2029-cu ilədək uzadılıb.