Ramiz Mehdiyev YAP-dan çıxarılıb

Azərbaycanın keçmiş Prezident Administrasiyasının rəhbəri Ramiz Mehdiyev Yeni Azərbaycan Partiyasından (YAP) çıxarılıb. Bu barədə apa məlumat yayıb. 

Bununla bağlı qərar YAP İdarə Heyətinin iclasında qəbul edilib.

Ramiz Mehdiyev 1995–2019-cu illərdə Azərbaycan Respublikası Prezidentinin Administrasiyasının rəhbəri vəzifəsində çalışıb. O, 2019–2022-ci illərdə Azərbaycan Milli Elmlər Akademiyasının prezidenti olub. Mehdiyev uzun müddət YAP-ın rəhbər orqanlarında təmsil olunub və partiyanın Veteranlar Şurasının üzvü olub.

2025-ci ilin oktyabrında Dövlət Təhlükəsizliyi Xidməti tərəfindən Mehdiyev barəsində cinayət işi başlanıb. Ona dövlətə xəyanət, hakimiyyəti zorla ələ keçirməyə və dövlətin konstitusiya quruluşunu zorla dəyişdirməyə yönələn hərəkətlər, habelə cinayət yolu ilə əldə edilmiş əmlakın leqallaşdırılması maddələri ilə ittiham irəli sürülüb. Bakı şəhəri Səbail Rayon Məhkəməsi onun barəsində dörd aylıq ev dustaqlığı qətimkan tədbiri seçib